www.kvinnheringen.no: Telenorkundar har torsdag og fredag vore utan internett på grunn av eit brot på ein fiberkabel.
– Det er eit brot på ein fiberkabel som går frå Stord, og nett no held ein på med feilsøking for å finna brotstaden. Brotet gjer at internettsentralane på Sunde og Husnes er ute, seier Per A. Meling, regional informasjonssjef for Vest-Norge i Telenor.
Han seier at 931 personar er utan breiband og 27 er utan fasttelefon på grunn av kabelbrotet.
– Vi har sett rettetida til klokka 16 i dag fredag, men mest sannsynleg vil det ta lengre tid å fiksa. Vi vil starta skøytinga av kabelen så snart vi har lokalisert brotet, og i verste fall vil ein sjå på om ein kan ruta om trafikken dersom det er mogleg.
