www.kvinnheringen.no: Det vart sett ny fellingsrekord for hjort i Kvinnherad i fjor.
Den nye rekorden er felling av 1250 dyr. Det er ein auke på fem dyr frå året før.
– Kvinnherad hadde det høgaste fellingstalet i 2010, difor trur vi at felling av 1250 dyr i fjor er ny norsk rekord, ingen over, ingen ved sida, meiner skogbrukssjef i Kvinnherad kommune, Terje Natland.
I fjor vart det for første gong opna for jakt på rådyr. Resultatet vart felling av 16 dyr, 11 vaksne bukkar, tre vaksne geiter og to kalvar.
Av dei 1250 felte hjortane som utgjer ein fellingsprosent på 78,2, var det 25 prosent kalvar, 16 prosent åringsbukkar og 12,3 prosent åringskoller.
