www.kvinnheringen.no: May Britt Skarveland på Valen får ny sjanse til å rydda opp i ikkje omsøkte byggetiltak på friområde i Porsvik.
Rådmannen og den tidlegare forvaltningskomiteen var klare i domen sin:
Den ikkje omsøkte trappa til sjø, ein overbygd sitjeplass, kaianlegget og flytebrygga i friområdet må rivast. Men etter synfaring på staden, gjev den nye forvaltningskomiteen utbyggjar ein ny sjanse.
– Det er gjort ein feil, men den vart gjort for 15 år sidan. Kaien er ikkje noko negativt for friområdet. Det som peikar seg ut, er rekkverket til trappa. Hadde det fått ein annan farge, så er det ingen som hadde sett dette, meinte Bjarne Berge (H).
Ifølgje verksemdsleiar Tormod Fossheim, var det dette byggverket som peika seg klarast ut i negativ lei for arbeidsgruppa som skulle behandla ikkje omsøkte tiltak. Både kaien og trappene vert eksponert på ein negativ måte, hevda Fossheim.
Men forvaltningskomiteen gjev no utbyggjar ein ny sjanse. Innan tre månadar må det utarbeidast eit nytt forslag til løysing frå utbyggjar, det må òg vera positivt for ålmenta. I og med at dette vert ein dispensasjonssøknad skal fylkesmannen ha eit ord med i laget.
Les meir om saka i papirutgåva fredag.
